काठमाडौं । कञ्चनपुरमा सेफ्टी ट्यांकीमा परेर हात्तीको मृत्यु भएको छ । शुक्लाफाँटा नगरपालिका–७ कालापानीको वातावरण मध्यवर्ती सामुदायिक वनमा शौचालयको सेफ्टी ट्यान्कीमा परेर हात्तीको मृत्यु भएको हो ।
“घरको सेफ्टी ट्यांकीमा पछाडिको खुट्टा फसेपछि निस्किन नसकेर हात्तीको मृत्यु भएको हो,” शुक्लाफाँटा राष्ट्रिय निकुञ्जका प्रमुख किशोरकुमार मेहताले भने ।
उनका अनुसार बयस्क भाले हात्तीको मृत्यु भएको हो । उक्त क्षेत्रमा जंगली हात्ती हिँडिरहने गरेको मेहताको भनाइ छ ।
राति १२ बजेसम्म उक्त क्षेत्रमा हात्ती नदेखिएकाले बिहानीखको समयमा उक्त घटना भएको हुनसक्ने उनको भनाइ छ ।
मृत हात्तीलाई सेफ्टी ट्याङकीबाट क्रेन लगाएर निकाल्ने र शव परीक्षणपछि अन्त्येष्टि गरिने मेहताले जानकारी दिए । “हाम्रो टोली अहिले घटनास्थलमा पुगिसकेको छ । अब क्रेनले हात्तीलाई बाहिर निकालेर शव परीक्षण गरेर अन्त्येष्टि गर्नेछौं,” उनले भने ।
प्रतिक्रिया दिनुहोस
सफल खबर संवाददाता
विहीबार, ३२ साउन २०८०, ०९ : ३८
लेखकबाट थप
सम्बन्धित समाचारहरु
कतारलाई हात्ती उपहार दिने तयारीप्रति बालेनले जनाए असन्तुष्टि
हात्तीको आक्रमणबाट एक महिलाको मृत्यु
हात्तीले दैनिक घर भत्काउँदा चिसोमा रात कटाउन बाध्य
पूर्वी नेपालमा मानव–हात्ती द्वन्द्वका घटनामा वृद्धि
मोरङ्गको सुन्दरहरैचामा हात्ती मृत फेला
हात्ती लघार्न जनप्रतिनिधि र सुरक्षाकर्मीसहितको टोली जङ्गलमा