माछा मार्न गएका युवक डुबेर बेपत्ता

काठमाडौ । सेती नदीमा डुबेर कैलालीका एक युवक बेपत्ता भएका छन् ।

लम्कीचुहा नगरपालिका–९ प्रतापपुरका ३० वर्षीय प्रकाश बम शुक्रबार साँझ सेती नदीमा हराएका हुन्। 

जिल्ला प्रहरी कार्यालय (बझाङ) का अनुसार दुर्गाथली गाउँपालिका–२ मौरीबगरस्थित सेती नदीमा माछा मार्न गएका बम डुबेर बेपत्ता भएका हुन्। 

उनी मौरीबगरमा ज्याला मजदुरीको काम गर्थे। सेतीमा बेपत्ता उनको खोजी भइरहेको प्रहरीले जनाएको छ।