एजेन्सी। महिला विश्वकप फुटबलको शुक्रबार भएको खेलमा इङ्ल्यान्डले जित हासिल गरेको छ । समूह ‘डी’ अन्तर्गतको सिड्नीमा खेलिएको खेलमा इङ्ल्यान्डले डेनमार्कमाथि १—० गोलको प्रतिस्पर्धात्मक जित हासिल गर्यो ।
खेलको प्रारम्भमै गरेको गोल नै इङ्ल्यान्डको जितका लागि पर्याप्त भयो । खेल सुरु भएको छैटौं मिनेटमा इङ्ल्यान्डका लागि लाउरेन जेम्सले निर्णायक गोल गरेकी हुन् । त्यसपछि दुबैतर्फबाट थप गोल हुन सकेन ।
इङ्ल्यान्ड लगातार दोस्रो जितसँगै ६ अंक बटुलेर तालिकाको पहिलो स्थानमा छ । समान दुई खेल खेलेको डेनमार्क तीन अंकसहित तालिकाको दोस्रो स्थानमा छ । इङ्ल्यान्डले आफ्नो पहिलो खेलमा हाइटीलाई १—० गोलले हराएको थियो ।
डेनमार्कले भने आफ्नो पहिलो खेलमा चीनलाई १—० गोलले हराएको थियो । एक—एक खेल खेलेका चीन र हाइटीले भने हालसम्म खाता खोल्न सकेका छैनन् । समूहगत चरणको अन्तिम खेलमा अगस्त १ तारिखमा इङ्ल्यान्डले चीनको र डेनमार्कले हाइटीको सामना गर्नेछन् ।
प्रतिक्रिया दिनुहोस
सफल खबर संवाददाता
शुक्रबार, १२ साउन २०८०, १६ : ३३
लेखकबाट थप
सम्बन्धित समाचारहरु
स्पेन बन्यो महिला विश्वकप फुटबलको नयाँ विजेता
विश्वकपको क्वार्टरफाइनलमा पुग्ने सातौं राष्ट्र बन्यो कोलम्बिया
महिला विश्वकप फुटबलमा मोरक्कोको ऐतिहासिक जीत
फिलिपिन्ससँग हार्यो आयोजक न्युजिल्यान्ड
महिला विश्वकप : स्विडेनले दक्षिण अफ्रिकालाई हरायो
महिला विश्वकप : दुर्लभ कीर्तिमानबाट चुकिन् क्यानडाकी क्रिस्टिन