गृहमन्त्री र अर्थमन्त्रीको राजीनामा माग गर्दै संसद् बैठक अवरुद्ध गर्ने एमालेको तयारी

काठमाडौं । प्रमुख प्रतिपक्षी दल नेकपा (एमाले)ले गृहमन्त्री नारायणकाजी श्रेष्ठ र अर्थमन्त्री डा.प्रकाशशरण महतको राजीनामा माग गर्दै संसद् बैठक अवरुद्ध गर्ने तयारी गरेको छ ।

अवैध रुपमा सुन आयात हुँदा दुवै मन्त्रीले जिम्मेवारी कुशलतापूवर्क निर्वाह नगरेको भन्दै एमालेले राजीनामा माग गर्ने भएको हो ।त्रिभुवन विमानस्थलमा भन्सार जाँच पास गर्ने कार्यमा गृह मन्त्रालय र अर्थ मन्त्रालय अन्तर्गतका निकायहरू रहने हुँदा दुवै मन्त्रीले नैतिक जिम्मेवारी लिनुपर्ने एमालेको धारणा छ ।

प्रतिनिधि सभाको बैठक आज (बुधबार) दिउँसो १ बजे बस्दैछ । उक्त बैठकमा एमालेले गृहमन्त्री र अर्थमन्त्रीलाई नैतिक जिम्मेवारी लिँदै राजीनामाको माग गर्दै संसद् अवरुद्ध गर्ने तयारी गरेको सेत बताउँछ ।

साउन ३ गते त्रिभुवन विमानस्थलबाट बाहिरिएपछि राजश्व अनुसन्धानले करिब एक क्यीन्टल सुन बरादम गरेको थियो । यस प्रकरणमा संलग्न भएको आरोपमा हालसम्म १६ जना प्रकाउ परिसकेका छन् । यस घटनाबारे थप अनुसन्धान भइरहेको प्रहरीले जनाएको छ ।