नयाँ पार्टी दर्ता गर्न ५०० मतदाताको सनाखत अनिवार्य

काठमाडौ । राजनीतिक दलले दल दर्ता गर्दा पाँच सय जना  मतदातालाई  सनाखतका  लागि  निर्वाचन  कार्यालयमा  अनिवार्य  उपस्थित  गराउनुपर्ने  व्यवस्था गरिएको छ । 

यसअघि भने दल दर्ताका व्रmममा दलको सदस्य रहने प्रतिबद्धता जनाएका मतदाताले  आफ्नो  मतदाता  परिचयपत्र  वा  नागरिकताको प्रमाणित प्रतिलिपि सहितको हस्ताक्षर गरेको विवरण बुझाए हुने व्यवस्था थियो । निर्वाचन आयोगको कानुन तथा राजनीतिक दल व्यवस्थापन महाशाखाले आयोग पदाधिकारीको असार २४ गतेको बैठकले उक्त व्यवस्था लागु गर्ने निर्णय गरेको जनाएको छ । 

राजनीतिक दलसम्बन्धी ऐनको दल दर्तासम्बन्धी दफामा कम्तीमा पाँच सय जना नेपाली मतदाताले दलको सदस्यता प्राप्त गर्न गरेको प्रतिबद्धतापत्र र निजहरूको नागरिकता वा मतदाता परिचयपत्रको प्रमाणित प्रतिलिपिसहितको हस्ताक्षर हुनुपर्ने व्यवस्था रहेको खबर गोरखापत्रमा छापिएको छ ।