बजेटका पूरक विधेयकहरू आज पारित हुँदै

काठमाडौं। प्रतिनिधि सभाबाट बजेटका पूरक विधेयकहरू आज (आइतवार) पारित हुँदै छन् । आज बस्ने प्रतिनिधि सभाको दोस्रो बैठकमा आर्थिक विधेयक २०८० र राष्ट्र ऋण उठाउने विधेयक २०८० पारित गर्ने कार्यसूची छ । त्यसअघि विधेयकमा परेका संशोधनलाई निर्णयार्थ पेश गरिने छ । 

बजेटको मुख्य विधेयक विनियोजन विधेयक भने असार १३ गते नै पारित भइसकेको छ । प्रतिनिधि सभाबाट पारित भएर राष्ट्रिय सभाबाट समेत पारित भएपछि बजेट कार्यान्वयनमा जानेछ । साउन १ गतेदेखि लागू हुने आर्थिक वर्ष २०८०/०८१ को बजेट जेठ १५ गते संसदमा पेश गरिएको थियो ।