काठमाडौ । बिहीबार मध्यान्हदेखि अवरुद्ध नारायणगढ-मुग्लिन सडक खण्ड पूर्ण रूपमा खुलिसकेको छैन।
बिहीबार दिउँसो १ बजे पहिरो खसेपछि अवरुद्ध सडक करिब २५ घण्टापछि शुक्रबार साँझदेखि खुलाइएको थियो। तर पुन: शनिबार बिहान खसेको पहिरोले केहीबेर सडक अवरुद्ध भएको थियो।
सडक डिभिजन भरतपुरबाट ल्याइएको मेसिनले पहिरो पन्छाएपछि केहीबेर अघि सुचारु भएको उक्त सडकखण्डमा शनिबार बिहान १० बजे पुन: पहिरो खसेको छ।
मुग्लिन-नारायणगढ सडक खण्डको तुइनभिरमा गुडिरहेको कारमाथि पहिरो खसेको घटनास्थलमा रहेका एक यात्रुले जानकारी दिएका छन् ।
उनका अनुसार बागमती प्रदेश ०२५ च २१८१ नं. को कारमाथि पहिरो खसेको थियो। घटनामा सवार यात्रु सकुशल रहेको उनले बताएका छन्।
माथिबाट ढुङ्गा खस्ने क्रम अझै कम नभएको भन्दै सतर्कताका साथ यात्रा गर्न डिभिजन सडक कार्यालय सचेत गराएको छ।
प्रतिक्रिया दिनुहोस
सफल खबर संवाददाता
शनिबार, १६ असार २०८०, १० : ३१
लेखकबाट थप
सम्बन्धित समाचारहरु
पहिरोमा पुरिएर एकै परिवारका तीनजनाको मृत्यु
बाढी, पहिरो लगायतका विपद्मा परी हालसम्म १३० जनाको मृत्यु
सिमलताल पहिरो अपडेटः २५ शव भेटिए, १७ जनाको सनाखत
बाढी, पहिरो अपडेट: अहिलेसम्म १२४ जनाको मृत्यु
भूकम्प पीडितको अस्थायी टहरामाथि पहिरो खस्दा चार जना घाइते
बाढी, पहिरो लगायतका विपद्मा परी हालसम्म १२० जनाको मृत्यु