गाँजासहित भारतीय नागरिक पक्राउ

काठमाडौ । धादिङको बेनीघाट रोराङ गाउँपालिका–९ मझिमटारबाट अवैध लागूऔषध गाँजा करीब ६१३ किलोग्रामसहित भारतको मोतिहारी मलायथाना नगदाहग्राम बस्ने २७ वर्षीय राजिव तिवारीलाई प्रहरीले पक्राउ गरेको छ ।

विशेष सूचनाको आधारमा ईलाका प्रहरी कार्यालय गजुरी र प्रहरी चौकी जोगीमाराबाट खटिएको संयुक्त टोलीले काठमाडौंबाट भारततर्फ जाँदै गरेको अवस्थामा उनलाई पक्राउ गरेको हो ।

एचआर ३८ यु ३४३१ नम्बरको कन्टेनरलाई जाँच गर्ने क्रममा चालकको सिटमाथि लुकाइछिपाई राखेको गाँजा फेला पारी कन्टेनर चालक तिवारीलाई पक्राउ गरिएको प्रहरीले जनाएको छ ।