उपप्रधानमन्त्रीपछि एमसीसीका क्षेत्रीय उपाध्यक्षले भेटे अर्थमन्त्री महतलाई

काठमाडौँ । अर्थमन्त्री डा. प्रकाशशरण महत र अमेरिकी सहयोग मिलेनियम च्यालेञ्ज कर्पोरेसन (एमसीसी) का क्षेत्रीय उपाध्यक्ष जोनाथन ब्रुक्सबीच भेटवार्ता भएको छ ।

आज (सोमबार) अर्थ मन्त्रालयमा उपाध्यक्ष ब्रुक्स र अर्थमन्त्रीबीच भेटवार्ता भएको हो । अर्थ मन्त्रालयमा भएको भेटमा अर्थमन्त्रीसहित अर्थसचिव अर्जुन पोखरेलको पनि सहभागिता थियो । उपाध्यक्ष ब्रुक्सले गत शनिवार उपप्रधान तथा गृहमन्त्री नारायणकाजी श्रेष्ठसँग पनि (एमसीसी) परियोजना कार्यान्वयनको विषयमा छलफल गरेका थिए ।

उनले गृहमन्त्री श्रेष्ठलाई भेटेर परियोजना अगाडि बढाउन आवश्यक सुरक्षा व्यवस्थाहरुमा सहयोग उपलब्ध गराउन आग्रह गरेका थिए ।