मैले नक्कली शरणार्थी प्रकरणमा एक पैसा खाएको छैनः आरजु राणा

तपाईँलाई पनि नक्कली भुटानी शरणार्थीको लहरो तानेर पुग्ने ठाउँ चाहिँ आरजु कहाँ नै हो आज वा भोलि, कि तपाई भाग्नुपर्छ कि त जेल जानुपर्छ भनिन्छ नि ? भन्ने प्रश्नमा डा. आरजुको जवाफ छ, ‘हेर्नुस् एउटा मान्छे मलाई देखाउनुस् आरजु देउवालाई पैसा दिएर काम गराएँ भनेर भनेको मान्छे देखाउनुस् म मान्छु ।’पूर्व प्रधानमन्त्री तथा कांग्रेस सभापति शेरबहादुर देउवा पत्नीसमेत रहकी आरजुले छोरा जयवीर देउवाको कसम खाएरै नक्कली शरणार्थी प्रकरणमा एक पैसा पनि खाएको स्पष्टीकरण दिइन्। उनले भनिन्, ‘मेरो आत्मा होइन छोराकै कसम खाएर भन्छु कि मैले यो गरेको छैन ।

प्रस्तोता बानियाँले एकचोटी भन्नुस् त कि ‘म मेरो छोरा जयवीरको कसम खाएर भन्छु नक्कली शरणार्थी प्रकरणमा एक पैसा खाएको छैन ।’ भनी सोध्दा आरजुले फेरि भनिन्, ‘म मेरो छोरो जयवीरको कसम खाएर भन्छु नक्कली शरणार्थी प्रकरणमा एक पैसा खाएको छैन ।’दुई करोड बुझेको भन्ने प्रश्नको डा. आरजुले खण्डन गरिन् । ‘अडिओ फेक हो । के मेरो मात्रै अडिओ आएको छ ? अरू अडिओ सुन्नु भएको छैन ? मञ्जु खाँणको बारेमा मलाई थाहा छैन ।’