काठमाडौं । प्रतिनिधि सभाले विभिन्न १० वटा विषयगत समिति गठन गरेको छ। शुक्रबार प्रतिनिधि सभामा १० समिति गठन भए पनि समितिको सभापति भने चयन गर्न बाँकी रहेको छ ।
नियमावली अनुसार पहिलो बैठक बसेको पन्ध्र दिनभित्र समिति सभापति चयन हुनेछ । र, उक्त समयसम्म समितिको नेतृत्व जेष्ठ सदस्यले गर्नेछ । गठन गरिएको समितिअन्तर्गत अर्थ समिति, अन्तर्राष्ट्रिय सम्बन्ध र पर्यटन समिति, उद्योग तथा वाणिज्य र श्रम तथा उपभोक्ता हित समिति, कानून, न्याय तथा मानवअधिकार समिति, कृषि, सहकारी तथा प्राकृतिक स्रोत समिति, महिला तथा सामाजिक मामिला समिति, राज्य व्यवस्था तथा सुशासन समिति, पूर्वाधार विकास समिति, शिक्षा, स्वास्थ्य तथा सूचना प्रविधि समिति र सार्वजनिक लेखा समिति रहेका छन् ।
अर्थ समितिमा राष्ट्रिय स्वतन्त्र पार्टी (रास्वपा) बाट तनहुँ क्षेत्र नं. २ को उपनिर्वाचनबाट प्रतिनिधि सभा सदस्यमा निर्वाचित भएका स्वर्णिम वाग्लेसहित २५ जनाको टिम रहेको छ । यस्तै, चितवन २ को उपनिर्वाचनबाट सांसद बनेका रास्वपा सभापति रवि लामिछाने राज्य व्यवस्था तथा सुशासन समितिमा अटाएका छन् ।
प्रतिक्रिया दिनुहोस
सफल खबर संवाददाता
शुक्रबार, १५ बैशाख २०८०, २१ : ०२
लेखकबाट थप
सम्बन्धित समाचारहरु
सरकारमा नहुनेबित्तिकै संविधान खतरा पर्छ भन्ने भ्रम राख्नुपर्दैन : गोकर्ण बिष्ट
सरकारले ११ र १२ कक्षाको शिक्षालाई निःशुल्क गर्नुपर्छः सांसदहरु
प्रतिनिधि सभाको बैठक बस्दै, यस्तो छ सम्भावित कार्यसूची
अख्तियारको वार्षिक प्रतिवेदन प्रतिनिधि सभामा पेस
धारा ७६ (२) कि (३) को सरकार भन्ने राष्ट्रपतिको कुरा हो : रघुजी पन्त
जलस्रोत सम्बन्धी विधेयक प्रतिनिधि सभामा प्रस्तुत