काठमाडौं । राष्ट्रिय स्वतन्त्र पार्टी (रास्वपा) को साधारण सदस्य र सांसद दुबैबाट निष्कासनमा परेका डा. ढाकाकुमार श्रेष्ठले आफ्नो सांसद पद खारेज नभएको बताएका छन् ।
बिहीबार कानुन व्यवसायीसँग परामर्श गरेपछि उनले संविधान र कानुनअनुसार आफ्नो सांसद पद यथावत नै रहेको बताएका हुन् ।
तर, रास्वपाको संसदीय दलका नेता तथा डोलप्रसाद अर्यालले भने श्रेष्ठलाई कारबाहीपश्चात् नयाँ सांसद नियुक्तिको प्रक्रिया अघि बढाउन संघीय संसद् सचिवालयलाई पत्र कोरिसकेका छन् ।
पार्टीले सांसद पदबाट निलम्बन गरेपछि श्रेष्ठले त्यस विषयमा कानुन व्यवसायीसँग परामर्श थालेका छन् । कानुन व्यवसायीसँगको परामर्शपछि श्रेष्ठे आफ्नो सांसद पद प्रक्रियागत तरिकाले नगएको बताएका छन् ।
उनका अनुसार पार्टीले प्रक्रियागत त्रुटि धेरै गरेको छ र सांसद पद खारेज भएकै छैन । साथै, उनले पार्टीले साधारण सदस्यबाट हटाउँदैमा सांसद पद नजाने पनि बताएका छन् । यदि सभामुखले आफ्नो सांसद पद रिक्त गरेर नयाँ सांसद पदका लागि सूचना जारी गरेको खण्डमा कानुनी उपचारमा जाने पनि उनले बताएका छन् ।
मेडिकल व्यवसायी दुर्गा प्रसाईंसँग स्वास्थ्य मन्त्री बन्नका लागि उनले २ करोड डिल गरेको अडियो गएको आइतबार सार्वजनिक भएको थियो । उक्त अडियो सार्वजनिक भएपछि रास्वपाले अनुसन्धानपश्चात् उनलाई बुधबार पार्टीको साधारण सदस्यसमेत नरहने गरी कारबाही गरेको थियो ।
प्रतिक्रिया दिनुहोस
सफल खबर संवाददाता
विहीबार, ३० चैत्र २०७९, २१ : ४५
लेखकबाट थप
सम्बन्धित समाचारहरु
ढाकाकुमार श्रेष्ठबारे भ्रामक पोष्ट गरेको आरोपमा एक जना पक्राउ
ढाकाकुमारको रिटमा अन्तरिम आदेश खारेज
ढाकाकुमारको रिटमा अन्तरिम आदेश खारेज
रास्वपाविरुद्ध ढाकाकुमारले दायर गरेको मुद्दामाथि सर्वोच्चमा सुनुवाइ सुरू
ढाकाकुमार श्रेष्ठलाई कारबाही गर्ने निर्णय तत्काल कार्यान्वयन गर्न सर्वाेच्चको आदेश
सर्वोच्चको आदेशपछि ढाकाकुमारले भने– 'सत्य सासंवत् छ, बोलिरहनु पर्दैन