उपराष्ट्रपति उम्मेदवारहरुको अन्तिम मतदाता नामावली प्रकाशन हुँदै

काठमाडौं । निर्वाचन आयोगले आज उपराष्ट्रपतिका उम्मेदवारहरुको नामावली प्रकाशन गर्दैछ । उम्मेदवारी दर्ता गर्नका लागि आयोगले शनिबारका लागि मिति तोकेको थियो । सो अनुसार शनिबार उपराष्ट्रपतिका लागि चार जनाको उम्मेदवारी परेको छ ।

जसमा ३ जना सत्ता पक्षका रहेका छन् भने अर्का एमालेका रहेका छन् । सत्ता पक्षका जनता समाजवादी पार्टी नेपालबाट दुई र जनमत पार्टीबाट एक गरी तीन जनाको उम्मेदवारी परेको हो । सोही उम्मेदवारी दर्ता गराएका व्यक्तिहरुको नामावाली प्रकाशन अजा हुँदैछ ।

अन्तिम नामावाली प्रकाशन गर्नु अघि एक उम्मेदवारविरुद्ध भने उजुरी परेकाले जाँचबुझ पनि आजै हुने निर्वाचन आयोगले जनाएको छ । उम्मेदवारहरु मध्ये जसपाका रामसहायप्रसाद यादवविरुद्ध उजुरी परेको थियो ।

उनले सत्ता गठबन्धनको सहमतिकै आधारमा उम्मेदवारी दर्ता गराएका थिए ।