एमालेबाट अष्टलक्ष्मी शाक्य उपराष्ट्रपतिको उम्मेदवार

सफल खबर संवाददाता

शनिबार, २७ फागुन २०७९, १० : ५९
एमालेबाट अष्टलक्ष्मी शाक्य उपराष्ट्रपतिको उम्मेदवार

काठमाडौं । चैत ३ गते हुने उपराष्ट्रपति चुनावमा नेकपा एमालेले अष्टलक्ष्मी शाक्यलाई उम्मेदवार बनाउने भएको छ। आज बसेको नेकपा एमालेको केन्द्रीय सचिवालय बैठककले यस्तो निर्णय गरेको हो। 

बैठकपछि निर्णय सार्वजनिक गर्दै एमाले उपमहासचिव प्रदीप ज्ञवालीले गठबन्धनका नाममा स्थानीय तहमा महिलाहरूको अधिकार कटौती भएको बताए। निर्वाचन आयोगले उपराष्ट्रपति महिला नै हुनुपर्ने बताएपछि एमालेको यसप्रकारको निर्णय आएको हो। ज्ञवालीले पत्रकारहरूसँग भने, 'हामीले हाम्रो मत सुरक्षित गरेका छौँ, हाम्रो मत वृद्धि गरेका छौँ।' 

ज्ञवालीले गाउँपालिका, नगरपालिकादेखि नै अध्यक्ष र उपाध्यक्ष, प्रमुख र उपप्रमुखमध्ये एक जना महिला अघि सारेको सन्दर्भलाई लिएर राष्ट्रपति र उपराष्ट्रपतिमध्ये एक जना महिला हुनुपर्ने कुरालाई अन्देखा गर्न नमिल्ने बताए। पुरुषलाई नै दुई वटै पदमा उठाउने कुरा संविधानविपरीत भएको उनको भनाइ थियो। 

उपराष्ट्रपति पदका लागि आज निर्वाचन आयोगले उम्मेदवारी दर्ताको समय दिएको छ। 

प्रतिक्रिया दिनुहोस