काठमाडौं । सांसदहरुले राष्ट्रपति विद्यादेवी भण्डारीको सवारीमा जनताले दुःख पाएको भन्दै सरकारको आलोचना गरेका छन् । प्रतिनिधिसभाको आइतबारको बैठकमा सांसदहरुले राष्ट्रपतिको सवारी चलाउँदा जनताले दुःख पाएका र जसकारण विद्यामान व्यवस्थाप्रति नै नकारात्मक असर गरेको बताए ।
गत शुक्रबार राष्ट्रपति भण्डारी संघीय संसदको दुवै सदनको संयुक्त बैठकलाई सम्बोधन गर्न नयाँबानेश्वरस्थित संसद भवनमा पुगेकी थिइन् । राष्ट्रपति भण्डारीको सवारी चलाउँदा सडक खाली गरिएको थियो । सो समयमा सुरक्षाकर्मीबाट चिकित्सक कुटिएकोदेखि एम्बुलेन्ससमेत रोकिएको विषयले जनताको गणतन्त्रप्रति नै आक्रोश बढेको भन्दै सांसदहरुले सरकारको आलोचना गरेका हुन् ।
बैठकको शून्य समयमा बोल्दै रघुजी पन्त, मुक्ताकुमारी यादवलगायतका सांसदहरुले सरकारको आलोचना गरेका हुन् । जनतालाई असहज नहुनेगरी विशिष्ट व्यक्तिको सवारी चलाउनुपर्ने भन्दै सांसद पन्तले राष्ट्रपतिको सवारी चलाउँदा भएको जामका कारण सरकार, संसद र राष्ट्रपतिप्रति नकारात्मक टिप्पणी भएको बताए ।
प्रधानमन्त्रीको तहबाट समस्या समाधानमा पहल हुनुपर्ने बताएका उनले लोकतन्त्रमा विशिष्ट व्यक्तिको सवारी चलाउने मापदण्ड खुकुलो हुनुपर्ने बताए । सांसद मुक्ताकुमार यादवले लडेर ल्याएको लोकतन्त्र यही हो भन्दै प्रश्नसमेत गरिन् । जनतालाई दुःख नपर्नेगरी विशिष्ट व्यक्तिको सवारी चलाउने व्यवस्था गर्नुपर्नेमा जोड दिइन् ।
प्रतिक्रिया दिनुहोस
सफल खबर संवाददाता
आइतबार, २९ माघ २०७९, १५ : ५८
लेखकबाट थप
सम्बन्धित समाचारहरु
मिडिया काउन्सिल विधेयक संसदमा दर्ता गर्ने तयारी
सङ्घीय संसद्का दुवै सदनको बैठक बस्दै, यस्तो छ सम्भावित कार्यसूची
आईएसएको स्थापनासँग सम्बन्धित सम्झौता संसदमा पेश
सङ्घीय संसद्अन्तर्गत दुवै सदनको बैठक बस्दै
गृहमन्त्रीको राजीनामा माग्दै कांग्रेसले गर्यो संसदको वेल घेराउ
विश्वासको मत माग्दै के भने प्रधानमन्त्रीले ? (पूर्णपाठ)