ब्यूरोका एसपी सञ्जयसिंह थापाका अनुसार पक्राउ पर्नेमा झापाका इन्द्रमणि आचार्य, बाँकेकी जमुनाकुमारी शर्मा, पाल्पाका बाबुलाल भट्टराई, कैलालीका गणेश भनिने गजाधर सापकोटा, प्रताप चौधरी, ललितपुरका डम्बरकुमार आले मगर, गोरखाका दानबहादुर राना, स्याङ्जाका निर्मल शाही, हरिमाया राना, भरतपुरकी सम्झना चेपाङ, चितवनका राजु भनिने सोमबहादुर चेपाङ, तुलसी चेपाङ, विरमान बाइबा छन् ।
चितवनबाट सीआईबीले राधाकृष्ण चेपाङ र आइतबहादुर तामाङलाई पनि पक्राउ गरेको छ । १९ पुसमा प्रहरीले काठमाडौं–७, सरस्वतीनगरमा गैंडाको खाग किनबेच हुन लागेको सूचना पाएको थियो ।
त्यही सूचनाको आधारमा पुगेको टोलीले इन्द्रमणि र जमुनाकुमारीलाई ५२२ ग्राम तौलको खागसहित समातेको थियो ।
त्यसबेला उनीहरुलाई खागसहित डिभिजन वन कार्यालय, हात्तिसार बुझाएको थियो । त्यसमाथि विस्तृत अनुसन्धान गर्दै जाँदा गिरोह नै समातिएको ब्यूरोका एसपी सञ्जयसिंह थापा बताउँछन् ।
उनका अनुसार पक्राउ परेकाहरुमाथि अनुसन्धान गर्ने क्रममा सोमबहादुर चेपाङ सहितको टोलीले भरतपुरको नवजागृती सामुदायिक वन उपभोक्ता समितिको सीमामा पर्ने खगेडी खोला वन क्षेत्रमा गैँडा मारेर खाग विक्री गर्न पठाएको खुलेको छ ।
प्रतिक्रिया दिनुहोस
सफल खबर संवाददाता
शुक्रबार, २७ माघ २०७९, ०७ : ०२
लेखकबाट थप
सम्बन्धित समाचारहरु
सातवटा गैँडालाई आन्तरिक स्थानान्तरण गरियो
चितवन राष्ट्रिय निकुञ्जबाट तीन भाले गैँडा स्थानान्तरण
कावासोतीबाट गैँडा स्थानान्तरण सुरु
आजदेखि छवटा गैँडालाई आन्तरिक स्थानान्तरण
गैंडाको आक्रमणबाट एक जना घाइते
चितवन निकुञ्जभित्र दुई वटा गैँडा मारेको आरोपमा आठ जना पक्राउ