सरकारको न्यूनतम् साझा कार्यक्रमलाई आज अन्तिम रुप दिइँदै

काठमाडौं । सत्तारुढ गठबन्धनले सरकारको न्यूनतम साझा कार्यक्रमलाई शुक्रबार अन्तिम रुप दिने तयारी गरेको छ ।  त्यसका लागि न्यूनतम साझा कार्यक्रम निर्माणको लागि बनाइएको कार्यदलको बैठक बिहान ११ बजेका लागि बोलाइएको छ । 

कार्यदल संयोजक विष्णु पौडेलले साझा कार्यक्रमको ड्राफ्ट तयार भइसकेको र त्यसलाई अन्तिम रुप दिन बाँकी रहेको बताए ।  उनले सरकारमा सहभागी हुने विभिन्न राजनीतिक दलहरूको सुझावलाई समेट्दै ड्राफ्ट तयार भएको जानकारी दिए । उनले सो ड्राफ्टको दफावार छलफल गरी आज सबै काम सक्न प्रयास गरिने बताए । 

बिहीबार नै यो विषयलाई टुंग्याउने भनिएपनि माओवादी केन्द्रका नेता वर्षमान पुन अस्वस्थ भएपछि पर घकेलिएको थियो ।