२४ समानुपातिक सांसदको टुंगो लगाउन राप्रपाले बोलायो बैठक

काठमाडौं । राप्रपाले समानुपातिकतर्फको सांसदको टुंगो लगाउनका लागि बैठक बोलाएको छ । राप्रपाका प्रवक्ता मोहन श्रेष्ठले शनिबारका लागि केन्द्रीय कार्यसम्पादन समितिको बैठक तय भएको जानकारी दिए । 

उनका अनुसार बैठकमा निर्वाचनको समीक्षा एवं निर्वाचन आयोगले दिएको समयसीमाभित्र प्रतिनिधि सभा तर्फको ७ र विभिन्न प्रदेशसभातर्फको १७ समानुपातिक सदस्य टुंगो लगाउने विषयमा छलफल हुनेछ ।

 बैठक शनिबार बिहान ११ बजे केन्द्रीय कार्यालय धुम्बाराहीमा बस्ने छ । राप्रपाले निर्वाचनबाट प्रतिनिधिसभातर्फ र प्रदेशसभातर्फ गरेर समानुपातिकमा २४ सिट भाग पाउँदा प्रत्यक्षसमेत गरेर ४२ सिटमा जितेको छ।