काठमाडौं । नेपाल विद्युत् प्राधिकरणले सुदूरपश्चिम प्रदेशका कैलाली र कञ्चनपुरमा विद्युत् खपत बढाउन र आपूर्ति सुधार गर्न प्रसारण तथा वितरण प्रणाली सञ्जाल विस्तार गर्ने भएको छ ।
प्राधिकरणले तत्कालको समस्या समाधान गर्न हाल सञ्चालनमा रहेका प्रसारण र वितरण प्रणालीका संरचनाको सुदृढीकरण र विस्तार गर्ने भएको हो । दीर्घकालीन समस्या समाधान गर्न उच्च क्षमताका प्रसारण लाइनको निर्माण गरिने छ । गर्मीको समयमा कैलालीको अत्तरिया, टीकापुर धनगढी, कञ्चनपुरको महेन्द्रनगरलगायत सहरी क्षेत्रमा न्यून भोल्टेज, ट्रिपिङलगायतको समस्या रहेको छ ।
प्राधिकरणका कार्यकारी निर्देशक कुलमान घिसिङ, वितरण तथा ग्राहक सेवा निर्देशनालयका उपकार्यकारी निर्देशक मनोज सिलवाल, प्रसारण निर्देशनालयका उपकार्यकारी निर्देशक दीर्घायुकुमार श्रेष्ठलगायत सम्मिलित टोलीले स्थलगत अनुगमन समेत गरी सकेको छ ।
घिसिङले कैलाली र कञ्चनपुर क्षेत्रको विद्युत् आपूर्तिको समस्यालाई समाधान गर्न तत्काल र दीर्घकालीन रुपमा गर्नु पर्ने कामका लागि टोली बनाएर अध्ययन भइरहेको जानकारी दिए। कञ्चनपुरको पुनर्बास र बेलौरीलाई पनि एक सय ३२ केभी लाइनबाट जोड्ने र सो लाइन केन्द्रमा आएपछि भोल्टेज, ट्रिपिङलगायतका समस्या नहुने घिसिङको भनाई छ ।
कालीगण्डकीको बिजुली लामो प्रसारण लाइनबाट यस क्षेत्रमा आपूर्तिका लागि ल्याउनुपर्ने बाध्यात्मक अवस्थाका कारण पनि समस्या आएको हो ।
प्रतिक्रिया दिनुहोस
सफल खबर संवाददाता
मंगलबार, २० मंसिर २०७९, १२ : ५१
लेखकबाट थप
सम्बन्धित समाचारहरु
विद्युत प्राधिकरणले काट्यो थप दुई ठुला उद्योगको बिजुली
बक्यौता महसुल उठाउन लाइन काट्दै विद्युत प्राधिकरण
विद्युत प्राधिकरणलाई बाह्रबिसे सबस्टेसनको तत्काल निर्माण सक्नु पर्ने दबाब
विद्युत प्राधिकरणका पूर्व मेकानिकल इन्जिनियरविरुद्ध भ्रष्टाचारको मुद्दा
विद्युत प्राधिकरणले थाल्यो चालु खर्चहरुमा कटौती
विद्युत प्राधिकरणले पायो अत्याधुनिक प्रविधियुक्त ट्रान्सफर्मर