विश्वकपको क्वार्टरफाइनल प्रवेशका लागि आज यी देश भिड्दै

काठमाडौं । कतारमा जारी फिफा विश्वकपमा आज (आइतबार) अन्तिम–१६ का दुई खेल हुँदै छन् । 

कतारको अल थुमामा रंगशालामा हुने आजको पहिलो खेलमा साविक विजेता फ्रान्सले पोल्यान्डविरुद्ध खेल्दै छ । यो खेल नेपाली समयानुसार राति ८ः४५ बजेदेखि सुरु हुनेछ । 

फ्रान्स समूह 'डी' को विजेताको रूपमा र पोल्यान्ड समूह 'सी' को उपविजेताको रूपमा प्रिक्वार्टरफाइनल आएका हुन् । 

यस्तै, आजको दोस्रो खेलमा राति १२:४५ बजे इङ्ल्यान्ड र सेनेगलबीच प्रतिस्पर्धा हुनेछ । यो खेल कतारको अल बायत रंगशालामा हुनेछ ।  विश्वकपमा इङ्ल्यान्ड समूह 'बी' को विजेताको रूपमा र सेनेगल समूह 'ए'को उपविजेताको रूपमा अन्तिम–१६ मा आएका हुन् ।