घट्यो सुनको मूल्य, कतिमा हुँदैछ कारोबार ?

काठमाडौं । नेपाली बजारमा आज सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुन तोलामा तीन सय रुपैयाँ घटेर कारोबार भइरहेको छ ।

सोमबार ९४ हजार तीन सय रुपैयाँमा कारोबार भएको सुन आज तोलामा ९४ हजारमा कारोबार भइरहेको छ । आज तेजावी सुन ९३ हजार ५०० सय रुपैयाँमा कारोबार भइरहेको छ ।

चाँदीको मूल्य भने स्थिर छ । आज चाँदी तोलामा १ हजार २६५ रुपैयाँमा कारोबार भइरहेको महासंघले जनाएको छ ।