सन्दीप लामिछानेविरुद्धको मुद्दामा आजपनि थुनछेक बहस

काठमाडौं । बलात्कार आरोप लागेका क्रिकेटर सन्दीप लामिछानेविरुद्धको मुद्दामा शुक्रबार पनि  थुनछेक बहस हुने भएको ।

काठमाडौं जिल्ला अदालतका न्यायाधीश माधवप्रसाद घिमिरेको इजलासमा थुनछेक बहस नसकिएपछि  शुक्रबारका लागि हेर्दाहेर्दैमा राखिएको हो । 

यसअघि बुधबार र बिहीबार पनि थुनछेक बहस भएको थियो । बिहीबारसम्म सन्दीपका तर्फबाट बिहीबार ८ जना अधिवक्ताले बहस गरेका छन् । थुनछेक बहसमा अझै केही अधिवक्ताहरु बाँकी रहेको बताइएको छ । 

गत भदौ ५ गते राति एक १७ वर्षीय किशोरीलाई सिनामंगलको होटल काठमाडौं इनमा बलात्कार गरेको भन्दै सन्दीपविरुद्ध भदौ २२ गते प्रहरी वृत्त गौशालामा जाहेरी परेको थियो । ​त्यसपछि पक्राउ परेका सन्दिप हाल प्रहरी हिरासतमा छन् ।