मेराे ध्यान भाैतिक पूर्वाधार निर्माणमा पनि छ: प्रकाशमान सिंह

काठमाडाैँ । नेपाली कांग्रेसका नेता प्रकाशमान सिंहले आफ्नो ध्यान कानुन बनाउने मात्र नभई भौतिक पूर्वाधार निर्माणमा समेत भएकाे बताएका छन्। आइतबार चुनावी अभियानका क्रममा मतदाताहरूसँग भेटघाटकाे क्रममा नेता सिंहले उक्त कुरा बताएका हुन्।

भौतिक पूर्वाधार निर्वाचनको क्षेत्रमा आफूभन्दा अघिका जनप्रतिनिधिले भन्दा आफूले धेरै काम गरेको उनकाे भनाइ छ।काठमाडाैँ- क्षेत्र नं १ का उमेदवारसमेत रहेका नेता सिंहले यस क्षेत्रले जिताएर पठाएका जनप्रतिनिधि देशको प्रधानमन्त्रीका साथै ठूलाठूला पदमा पुगे पनि विकासको काम गर्न नसकेकाे आराेप लगाए।

बहुदलपछि यस क्षेत्रमा कांग्रेसले २०६४ सालसम्म बहुमत पाउन नसकेको उल्लेख गर्दै २०६४ मा जनताले जिताएर पठाएपछि भने यस क्षेत्रमा विकासको कार्य अगाडि बढेकाे जनाउँदै पूर्णता दिन अझै बाँकी रहेकाे पनि उनले बताए।

नेता सिंहले कांग्रेस राजनीतिक स्थायित्व र सम्पन्नताकाे एजेन्डा लिएर घर आँगनमा आएकाले राजनीतिक स्थायित्व र र सम्पन्नताकाे निमित कांग्रेसलाई मत दिनसमेत आग्रह गरे।