म्यादी प्रहरीले चलाएको मोटरसाइकलको ठक्करबाट महिलाको मृत्यु

वीरगञ्ज । म्यादी प्रहरीले चलाएको मोटरसाइकलको ठक्करबाट एक महिलाको मृत्यु भएको छ। दुर्घटनामा पर्साको बिन्दबासिनी गाउँपालिका(२ बस्ने ६० वर्षकी सरस्वति देवी कुर्मीको मृत्यु भएको हो।

म्यादी प्रहरी पर्साको सखुवाप्रसौनी गाउँपालिका(५ बस्ने ललनप्रसाद यादवले चलाएको ना १३ प ३५४४ नम्बरको मोटरसाइकलको ठक्करबाट गम्भीर घाइते महिलाको उपचारको क्रममा वीरगञ्जको एलएस न्युरोमा मृत्यु भएको पर्साका प्रहरी प्रवक्ता दीपक गिरीले जानकारी दिए।

ठक्कर दिने मोटरसाइकल र यादवलाई नियन्त्रणमा लिइ घटनाको बारेमा थप अनुसन्धान भइरहेको उनले बताए। यस्तै, घरको स्ल्यापबाट खसेर पर्साको बिन्दवासिनी गाउँपालिका ३ बस्ने एक किशोरको मृत्यु भएको छ।

१६ वर्षका अरबिन्द कुमार दासको मृत्यु भएको हो। आफ्नो घरको झ्यालबाट स्ल्यापमा टेकेर अम्बाको रुखमा लम्किँदा खसेर उनको मृत्यु भएको जिल्ला प्रहरी कार्यालय, पर्साले जनाएको छ।