२५ वर्ष उमेरका २० उम्मेदवार चुनावी मैदानमा

काठमाडौं । मंसिर ४ गते हुने निर्वाचनका लागि २० उम्मेदवार २५ वर्ष उमेरका रहेका छन् । निर्वाचन आयोगले बुधबार सार्वजनिक गरेको उम्मेदवारको अन्तिम नामावलीअनुसार सबैभन्दा कम उमेर २५ वर्षका २० जना उम्मेदवारले मनोनयन दर्ता गराएका हुन् । 
यसरी उम्मेदवार बन्ने १५ जना स्वतन्त्र उम्मेदवार रहेका छन् भने एक जना पिछडावर्ग निषाद ललित जनजाती पार्टीका रहेका छन् । यस्तै राष्ट्रिय स्वतन्त्र पार्टीका ५ जना र मंगोल नेशनल अर्गनाइजेशनका १ जना रहेका छन् । 

९९ वर्षीय पोखरेल बने सर्वाधिक उमेरका उम्मेदवार

आगामी मंसिर ४ गते हुने निर्वाचनमा प्रतिनिधिसभातर्फ सर्वाधिक उमेरका उम्मेदवार टिका दत्त पोखरेल बनेका छन् । गोरखा क्षेत्र नम्बर २ बाट उनी उम्मेदवार बनेका हुन् । 

उनी नेपाली कांग्रेस (बीपी) बाट उम्मेदवार बनेका हुन् । उनले माओवादी केन्द्रका अध्यक्ष प्रचण्डसँग प्रतिस्पर्धा गर्नेछन् ।