काठमाडौं । सत्ता गठबन्धनले बागी उम्मेदवारी दिने नेतालाई दिएको अल्टिमेटम बुधबार दिउँसो १ बजे सकिँदै छ । गठबन्धनले मंगलबार एक विज्ञप्तिमार्फत दिउँसो १ बजेभित्र उम्मेदवारी फिर्ता लिइसक्न पार्टीसम्बद्ध बागी उम्मेदवारहरूलाई निर्देशन दिएको थियो ।
उक्त अवधिभित्र उम्मेदवारी मनोनयन फिर्ता नलिए पार्टीबाटै निष्कासन गरिने चेतावनी विज्ञप्तिमार्फत दिइएको छ ।‘निर्वाचन आयोगद्वारा निर्धारित समयसीमा असोज २६ गते दिउँसो १ बजेभित्र त्यस्ता सदस्यहरूले उम्मेदवारी फिर्ता नलिएमा सम्बन्धित पार्टीहरूले निष्कासन गर्ने व्यहोरा अवगत गराइन्छ,’ विज्ञप्तिमा भनिएको छ ।
विज्ञप्तिमा प्रधानमन्त्री एवं कांग्रेस सभापति शेरबहादुर देउवा, माओवादी अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल र राष्ट्रिय जनमोर्चाका अध्यक्ष चित्रबहादुर केसीको हस्ताक्षर छ ।
आगामी मंसिर ४ गते हुने निर्वाचनका लागि विभिन्न क्षेत्रमा गठबन्धनमा आबद्ध दलका नेताबाट बागी उम्मेदवारी परेको छ ।
प्रतिक्रिया दिनुहोस
सफल खबर संवाददाता
बुधबार, २६ असोज २०७९, ०७ : ४३
लेखकबाट थप
सम्बन्धित समाचारहरु
बझाङमा गठबन्धनका ४ दलले लिएनन् उम्मेदवारी फिर्ता
राप्रपाले प्रदेशमा सत्ता गठबन्धनलाई सहयोग नगर्ने
माधव नेपालले अडान नछाड्दा बालुवाटार बैठक अनिर्णीत
बालुवाटारमा सत्ता गठबन्धन बैठक जारी
सत्ता गठबन्धनको साझा न्यूनतम कार्यक्रम आज सार्वजनिक गरिँदै
भागबन्डा मिलाउन बालुवाटारमा गठबन्धनको बैठक