काठमाण्डौं । नुवाकोटमा सत्ता गठबन्धनबीचको भागबण्डामा नेकपा एकीकृत समाजवादीले एक मात्र प्रदेशसभा पाएको थियो । तर, उम्मेदवारी मनोनयनको मुखैमा आएर काँग्रेस र माओवादीले समाजवादीले पाएको प्रदेशसभाको टिकट खोसेका छन् ।
भागबण्डामा समाजवादीले प्रतिनिधिसभा क्षेत्र नम्बर–२ को (क) पाएको थियो । समाजवादीले उक्त क्षेत्रबाट पूर्वसांसद राजेन्द्रप्रकाश लोहनीलाई उम्मेदवार बनाउने निर्णय गरेको थियो । तर, अन्तिम समयमा आएर काँग्रेस र माओवादीले प्रदेशसभामा पहिला पाएका क्षेत्र परिवर्तन गरेका छन् । प्रतिनिधिसभाको क्षेत्र नम्बर–२ काँग्रेस, प्रदेश (क) समाजवादी र (ख) माओवादी केन्द्रले लिने सहमति थियो ।
प्रतिनिधिसभामा काँग्रेस नेता अर्जुननरसिंह केसीले उम्मेदवारी दिँदैछन् । प्रदेश (क) मा समाजवादीबाट लोहनी र (ख) मा माओवादीबाट राममाया बोगटीले टिकट पाएका थिए । अब भने यसअघि समाजवादीले पाएको प्रदेश (क) माओवादी र (ख) काँग्रेसले लिने भएका छन् ।
प्रदेश (क) मा ओवादीका राप्रप्रसाद ढुंगाना र (ख) मा काँग्रेसका बहादुरसिंह लामा उम्मेदवार बन्ने भएका छन् । ढुंगाना पञ्चायतकालकालीन उपसभापति हुन् भने समानुपातिकतर्फबाट लामा निवर्तमान प्रतिनिधिसभा सदस्य हुन् ।
प्रतिक्रिया दिनुहोस
सफल खबर संवाददाता
आइतबार, २३ असोज २०७९, १२ : १८
लेखकबाट थप
सम्बन्धित समाचारहरु
लोकतन्त्रको विकल्प समुन्नत लोकतन्त्र नै हो : गगन थापा
वर्तमान सत्ता गठबन्धन माघ कट्दैन : गगन थापा
गण्डकी र सुदूरपश्चिममा प्रदेश प्रमुखले गैरकानूनी काम गरे : काँग्रेस
गण्डकीमा संसद बैठक बहिस्कार गर्ने कांग्रेसको निर्णय
काँग्रेस सांसद खड्काले कब्जा गरेको स्काउटको जग्गामा सिलबन्दी
इलाममा आफ्नो भोट बचाउन सके चुनाव जित्छौँ : काँग्रेस