चितवनबाटै चुनाव लड्न क्षेत्र नम्बर ३ का वडा अध्यक्षको प्रचण्डलाई आग्रह

सफल खबर संवाददाता

विहीबार, २० असोज २०७९, १६ : ०९
चितवनबाटै चुनाव लड्न क्षेत्र नम्बर ३ का वडा अध्यक्षको प्रचण्डलाई आग्रह

चितवन । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डलाई चितवन क्षेत्र नम्बर ३ का वडा अध्यक्षहरुले क्षेत्र नम्बर-३ बाटै निर्वाचन लड्न आह्वान गरेका छन् ।

बिहीबार काठमाडौं पुगेर १३ जना अध्यक्षले सामूहिक रुपमा ज्ञापनपत्र बुझाएका छन् । अध्यक्ष प्रचण्डलाई गोरखा २ वटा निवार्चन लड्न दवाव आएसँगै चितवनवासीहरु चिन्तित बनेका छन् । 

भरतपुरका १९ वटा वडा र माडी नगरपालिका पर्दछ । यस अघि अध्यक्ष प्रचण्डलाई अभिभावकत्व ग्रहण गर्न भन्दै गठबन्धनले मंगलबार निर्णय गरेको थियो ।

वडा अध्यक्षहरु भरतपुर महानगरपालिकाबाट निर्वाचित क्षेत्र नम्बर ३ का हुन् ।

 अध्यक्ष प्रचण्डसंगै वरिष्ठ उपाध्यक्ष नारायणकाजी श्रेष्ठ, नेपाली कांग्रेसका महामन्त्री गगन कुमार थापासंग पनि भेट गरेका छन् । भेटमा भरतपुर महानगरपालिकाकी मेयर रेनु दाहालसंगै उद्योगी, व्यवसायीहरु समेत सहभागि थिए ।

प्रतिक्रिया दिनुहोस