काठमाडौं । हिमालयन बैंक लिमिटेड र ट्राभल राइट प्रा. लि. (भिस्तारा एयरलाइन्स) बीच बिहीबार एक सम्झौता पत्रमा हस्ताक्षर भएको छ। सम्झौताअनुसार भिस्तारा एयरलाइन्सले हिमालयन बैंकका अमेरिकन एक्सप्रेस गोल्ड क्रेडिट कार्ड, भिसा गोल्ड क्रेडिट कार्ड तथा मास्टरकार्ड गोल्ड क्रेडिट कार्डबाहकहरूलाई त्रिभुवन अन्तर्राष्ट्रिय विमानस्थल, काठमाडौंमा प्रायोरिटी चेक इन (Priority Check-in) सुविधा प्रदान गर्ने भएको छ।
यस सम्झौता पत्रमा बैंकका तर्फबाट बैंकका महाप्रबन्धक उज्जल राजभण्डारी र ट्राभल राइट प्रा.लि. (भिस्तारा एयरलाइन्स) का तर्फबाट प्रमुख कार्यकारी अधिकृत नीरज रिमालले हस्ताक्षर गरेका छन्।
हाल बैंकले नेपालभरि फैलिएका ७४ शाखा, ५ विस्तारित काउन्टर, १५४ एटिएम र ६ हजारभन्दा बढी पिओस टर्मिनलबाट सेवा प्रदान गर्दै आएको छ। विश्वभर प्रचलनमा रहेको अमेरिकन एक्सप्रेस, मास्टरकार्ड, भिसा, युनियन पे, जेसिबी, डाइनरस् डिस्कभर, आदि आफ्नो नेटवर्कमा स्वीकार गर्ने हिमालयन नेपालको एक मात्र बैंक हो।
यसैगरी भिस्तारा एयरलाइन्सले भारतभित्र तथा बाहिर गरी ३९ गन्तव्यमा आफ्ना ५० वटा जहाजबाट दैनिक २५० भन्दा बढी उडान गर्दै आएको छ।
प्रतिक्रिया दिनुहोस
सफल खबर संवाददाता
शुक्रबार, १४ असोज २०७९, १३ : १६
लेखकबाट थप
सम्बन्धित समाचारहरु
हिमालयन बैंकको शाखा स्थानान्तरण
हिमालयन बैंकको गोंगबु शाखा स्थानान्तरण
हिमालय बैंकद्वारा २१ लाख रुपैयाँ बराबरको राहत सामग्री सहयोग
हिमालयन बैंकका ग्राहकलाई १६० भन्दा बढी स्थानमा विशेष छुट
हिमालयन बैंकको "फन्ड ट्रान्सफरमा मोबाईल हातमा” अफर सार्वजनिक
हिमालयन बैंकले १० रुपैयाँ मूल्यको १० करोड इकाई म्युचुअल फण्ड बिक्री गर्ने