रौतहटमा करेन्ट लागेर किशोरीको मृत्यु

रौतहट । रौतहटमा करेन्ट लागेर एक किशोरीको मृत्यु भएको छ। आइतबार नुहाउने क्रममा गरुडा नगरपालिका २ गेडही-गुठी निवासी दिनेश सहनीकी १४ वर्षिया छोरी अमरिका सहनीको करेन्ट लागेर मृत्यु भएको प्रहरीले जनाएको हो ।

करेन्ट लागेर घाइते भएकी किशोरीलाई उपचारको लागि अस्पताल लगिएको थियो । उनलाई  चिकित्सकले मृत घोषणा गरेको  इलाका प्रहरी कार्यालय गरुडाका इन्स्पेक्टर वीरेन्द्र पाश्वानले बताए ।

यसैबीच गरुडा नगरपालिकाका मेयर कन्थमणी जयसवाल अस्पतालमा पुगेर मृतकको किरिया खर्च बापत पीडित परिवारलाई २५ हजार दिने घोषणा गरेका छन्  ।