विष्णुमति पुलबाट हाम फाले एक युवक

काठमाडौं ।  काठमाडौंको बालाजुस्थित विष्णुमति पुलबाट एक युवक हाम फालेका छन् । 

आइतवार साँझ साढे ७ बजेको समयमा करीब ४०र४५ वर्षका ती युवक खोलामा हाम फालेको काठमाडौं प्रहरी परिसरका एसपी दिनेश मैनालीले जानकारी दिए । 

एसपी मैनालीका अनुसार ती युवकको तत्कालै प्रहरीको टोलीले उद्दार गरेको छ ।  नाम नखुलेका ती युवकको अहिले वीर अस्पतालमा उपचार भइरहेको प्रहरीले जनाएको छ । 

युवकको अवस्था बोल्न नसक्ने रहेको र बाहिरी चोट केही पनि नभएको प्रहरीको भनाइ छ ।  प्रहरीका अनुसार ती युवकले खोलामा हाम फाल्नुको कारण खुलेको छैन । 
घटनाबारे थप अनुसन्धान भइरहेको प्रहरीले जनाएको छ ।