पोखरा । कास्कीमा जंगलमा झुण्डिएको अवस्थामा दुईजनाको शव फेला परेको छ । कास्कीको अन्नपूर्ण गाउँपालिका–७ पानीपोखरी स्थित जंगलको एक रुखमा झुण्डिएको अवस्थामा उनीहरुको शव फेला परेको हो ।
उनीहरुको साथमा भएको नागरिकता, पासपोर्ट लगायतका कागजपत्रको आधारमा उनीहरु काभ्रेको बनेपा नगरपालिका–१ का २८ वर्षीया सुदिना कर्माचार्य र ३२ वर्षीय दिवाकर थापा रहेको खुलेको प्रहरीले जनाएको छ ।
घाँस काट्न गएको बेला स्थानीयले रुखमा झुण्डिएको शव देखेर प्रहरीलाई खबर गरेका थिए । प्रहरीका अनुसार शव केही दिन पुरानो देखिन्छ । यसबारे थप अनुसन्धान भइरहेको जिल्ला प्रहरी कार्यालय कास्कीले जनाएको छ ।
शवबारे आइतबार राति नै खबर आएपनि सोमबारमात्रै त्यहाँ पुगेर पोखरा ल्याउन सकिएको जिल्ला प्रहरी कास्कीले जनाएको छ । ‘हामीलाई शवबारे आइतबार राति खबर आएको थियो । शव पोस्टमार्टमका लागि पश्चिमाञ्चल क्षेत्रीय अस्पतालमा राखिएको छ ।
प्रतिक्रिया दिनुहोस
सफल खबर संवाददाता
मंगलबार, २८ असार २०७९, ०८ : ३७
लेखकबाट थप
सम्बन्धित समाचारहरु
इजराइली सेनाद्वारा गाजामा बन्धक बनाइएका पाँच जनाको शव फेला
रौतहटमा बेवारिसे शव फेला
पौडी खेल्दा बेपत्ता भएका युवकको शव फेला
नुहाउने क्रममा बागमतीमा बेपत्ता बालकको शव भेटियो
नारायणी नदीमा फेला परेको शव गणपति डिलक्समा सवार यात्रुको भएको पुष्टि
मेलम्ची नदीमा महिलाको शव फेला