काठमाडौं । काठमाडौँ महानगरपालिकाले केही दिनदेखि सञ्चालनमा ल्याएको पूर्वाधार एम्बुलेन्सको प्रयोग अब बिहान र बेलुमा मात्र गरिने भएको छ ।दिउँसोको समयमा सडकमा मर्मतको काम गर्दा ट्राफिक व्यवस्थापनमा समस्या हुन थालेपछि कामपाले बिहान र साँझ मात्र सडकको खाल्डो पुर्ने भएको हो ।
महानगर प्रमुख बालेन्द्र साहको निर्देशनअनुसार विगत एक हप्तादेखि पूर्वाधार एम्बुलेन्स सञ्चालनमा आएको हो । यसको प्रयोग सडकका खाल्डा पुर्न गरिँदै छ । यसअघि फोहर बोक्ने दुई गाडीलाई रङ्ग लगाएर टिलिक्क बनाएपछि यसले गर्ने काम पनि बदलिएको हो ।
महानगरका इन्जिनियर कामदारसहित ६ जनाको टोली नागरिकको गुनासोअनुसार टोल–टोलमा पुगेर सडकको मर्मतको काम भइरहेको छ ।कामपाको भौतिक पूर्वाधार विभाग प्रमुख राम थापाका अनुसार कल सेन्टरमार्फत सडक पेटी, ढल, इँटा, ब्लकहरु बिग्रेको र भत्केको गुनासो आउनासाथ उक्त टोली तत्काल पुगेर काम सुरु गर्ने गरेको छ ।
अहिलेसम्म डल्लु, नयाँ बानेश्वर, बुद्धनगर र बालुवाटार क्षेत्रबाट धेरै गुनासो आएकाले उक्त क्षेत्रमा काम भइरहेको छ ।
ब्रुमर पुनः सञ्चालनमा
तीन दिनदेखि काठमाडौँमा यान्त्रिक कुचो ९ब्रुमर० पुनः सञ्चालमा आएको छ । विगतमा सञ्चालन भएको तर चालकको करार अवधि सकिएकाले ब्रुमर दुई महिनादेखि सञ्चालनमा आउन सकेको थिएन ।
उक्त समस्या समाधान गरेर पुनः सञ्चालनमा ल्याइएको हो । हाल कामपामा ६ यन्त्रिक कुचो सञ्चालनमा छन् ।फोहरमैला व्यवस्थापन गर्ने, ब्रुमरको नियमित उपयोग, खानेपानी तथा ढल निकास र बिजुलीका तार व्यवस्थापन गर्दा खनिएका खाडलको व्यवस्थापन जस्ता काम अहिले नियमित रुपमा भइरहेका छन् ।
प्रतिक्रिया दिनुहोस
रासस
शनिबार, ०४ असार २०७९, १७ : १५
लेखकबाट थप
सम्बन्धित समाचारहरु
तीन दशक पुरानो सवारी तथा यातायात व्यवस्थापन ऐनमा संशोधन आवश्यक : उपप्रमुख डङ्गोल
बालेनको रिट सवैधानिक इजलासमा पेशी
बालेनलाई ३० भन्दाबढी नागरिक अगुवाले पठाए खुलापत्र
काठमाडौँ महानगरले तोक्यो स्वास्थ्य बीमाका २४ प्रथम सेवा विन्दु
काठमाडौंको फोहोर व्यवस्थापनमा महानगर आफैँ सक्षम छ : काठमाडौं महानगर
काठमाडौँ महानगरपालिकाद्वारा सन्दुक रुइतसहित विशिष्ट व्यक्तित्व सम्मानित