काठमाडौं । जाजरकोटको जुनीचाँदे गाउँपालिका वडा नम्बर–५ स्थित बलेबनमा जिप दुर्घटनामा परेर ३ जनाको मृत्यु भएको छ । मृत्यु हुनेमा जुनीचाँदे गाउँपालिका–६ घर भएकी ३४ वर्षीया कालिका शाही, २१ वर्षीय दर्शन शाही र वडा नम्बर–५ शिवपुरी घर भएकी ४० वर्षीया पुतला गिरी छन् ।
जुनीचाँदेको लुहादहबाट शिवपुरी जाँदै गरेको कर्णाली प्रदेश ०२–००१ च ०३४१ नम्बरको बोलेरो दुर्घटना हुँदा ४ जना गम्भिर घाइते भएका छन् । गम्भिर घाइतेहरूलाई नेपाली सेनाको हेलिकप्टरमार्फत सुर्खेत ल्याउन लागिएको कर्णाली प्रदेशका एसएसपी राजेशनाथ बास्तोलाले बताए ।
सो बोलेर ब्रेक फेल भएर दुर्घटना भएको प्रहरीको प्रारम्भिक अनुसन्धानबाट थाहा भएको छ । बोलेर सडकबाट करिब ५० मिटर तल खसेको छ । ईप्रका गर्खाकोटबाट खटिएको टोलीले घाइतेहरुको उद्दार गरिरहेको छ ।
जिपमा ११ जना सवार थिए । दुर्घटनामा परेर जुनिचाँदे–६ बस्ने ८ वर्षीया नमुना सिंह, १४ वर्षीया सरिता शाही, १३ वर्षीया समिक्षा शाही, ३९ वर्षीय विष्णु बहादुर शाही, १३ वर्षीया विपना शाही र २० वर्षका लाल बहादुर बुढा घाइते भएका छन् । वडा नम्बर–५ का ३० वर्षीय नर बहादुर शाही र दैलेख घर भएका २५ वर्षीय टोपबहादुर थापा पनि घाइते छन् ।
प्रतिक्रिया दिनुहोस
सफल खबर संवाददाता
शुक्रबार, २७ जेठ २०७९, ११ : ११
लेखकबाट थप
सम्बन्धित समाचारहरु
सिन्धुपाल्चोकमा जन्ती बोकेको बस दुर्घटना हुँदा ३ जनाको मृत्यु
हेलिकोप्टर दुर्घटनामा केन्याका सेना प्रमुखको निधन
कास्कीमा बस दुर्घटना हुँदा ७ जना घाइते
अर्घाखाँचीमा ट्याक्सी दुर्घटना, ६ जना घाइते
दुर्घटनापछि राेकिएकाे कमेडी च्याम्पियनको सुटिङ आजदेखि सुरू हुँँदै
फेवातालमा डुंगा दुर्घटनामा परेका युवाको सशस्त्रद्वारा सकुशल उद्धार