काठमाडौं । नेपाली कांग्रेसका केन्द्रीय सदस्य नैनसिंह महरले आगामी बजेटमार्फत शिक्षा र स्वास्थ्यलाई निःशुल्क गर्न सरकारसँग आग्रह गरेका छन्।
संविधान कार्यान्वयनको चरणमा रहेको र संविधानमै शिक्षा र स्वास्थ्यलाई निःशुल्क गर्ने कुरा उल्लेख गरिएको स्मरण गराउँदै महरले संविधानको कार्यान्वयनका लागि शिक्षा र स्वास्थ्यलाई यसै बजेटमार्फत निःशुल्क गर्न आग्रह गरेका हुन्।
शुक्रबार विज्ञप्ति जारी गर्दै कांग्रेस केन्द्रीय सदस्य महरले शिक्षा र स्वास्थ्यलाई निःशुल्क गरे राज्यको दायित्व पूरा हुनाका साथै संविधानमा उल्लेख गरिएको समाजवादको आधार निर्माण गर्न मद्दत पुग्ने उल्लेख गरेका छन् । राज्यका नीति निर्माण लोक कल्याणकारी नीतिमा बनाउनुपर्ने र बजेटमार्फत जनताले दैनिक जीवनदेखि राज्यका सबै क्षेत्रको विकासका सहयोग पुग्ने गरी बनाउनुपर्ने महरको भनाइ छ।
महरले देउवा नेतृत्वको वर्तमान सरकारसँग जनअपेक्षा बढी भएका कारण त्यसलाई सहीरूपमा सम्बोधन गर्न पनि सरकारसँग आग्रह गरे। यातायात र सञ्चारसेवालाई सहज र सरल बनाउन तथा कृषि आधुनिकीकरण गर्ने र उद्यमशीलता सहितको रोजगारी सृजना हुने गरी बजेट विनियोजन गर्न पनि उनको आग्रह छ। नेविसंघको अध्यक्ष भएदेखि नै महरले शिक्षा र स्वास्थ्यको सम्पूर्ण जिम्मेवारी राज्यले लिनुपर्ने विषयलाई उठाउँदै आएका छन्।
प्रतिक्रिया दिनुहोस
सफल खबर संवाददाता
शुक्रबार, १३ जेठ २०७९, १४ : ४३
लेखकबाट थप
सम्बन्धित समाचारहरु
अब एक्लै चुनाव लडेर बहुमत ल्याउनुपर्छ: नेता महर
सहकारी व्यवस्थापनमा सरकार गम्भीर बन्न आवश्यक : नैनसिंह महर
राष्ट्रियसभामा सत्तापक्ष-प्रतिपक्षको गठबन्धन अलोकतान्त्रिक चरित्र : नैनसिंह महर
हाम्रा प्रतिस्पर्धी दलहरुलाई हेर्ने आधिकारिक दृष्टिकोण तय गरौँ : नैनसिंह महर
संविधानमा सबै वर्ग र समुदायका कुरा अटाएको छ : नैनसिंह महर
विद्यालय शिक्षा विधेयकमा सरोकारवालाको माग सम्बोधन नै हुनुपर्छ : नैनसिंह महर