गोली लागी घाइते भएकी महिला सैनिकको मृत्यु

कपिलवस्तु । कपिलवस्तुको गोरुसिंगेस्थित सेनाको शमशेर दल गणमा गोली लागि घाइते भएकी सैनिक जवानको मृत्यु भएको छ ।

गणको भित्री पोस्टमा कार्यरत झापाको गौरादह नगरपालिका–१ की २४ वर्षीया कोपिला राजवंशीको भैरहवास्थित युनिभर्सल कलेजमा आज बिहानमृत्यु भएको जिल्ला प्रहरी कार्यालयले जनाएको छ । 

गोली लागेको अवस्थामा राजवंशी बुधबार साँझ ७ बजे फेला परेकी थिइन् । गणभित्रै गोली लागेर गम्भीर घाइते भएकी उनको बुटवलस्थित लुम्बिनी प्रादेशिक अस्पतालमा उपचार हुन नसकेपछि भैरहवास्थित युनिभर्सल मेडिकल कलेजमा भर्ना गरिएको थियो । 

उनको पेटमा दुई वटा गोली लागेको बताइएको छ । राजवंशी आफैंले गोली चलाएर आत्महत्या गरेको प्रहरीले जनाएको छ ।