काठमाडौं । श्रीलंकामा ठूलो स्वास्थ्य समस्या आउन सक्ने चिकित्सकले चेतावनी दिएका छन ।
आर्थिक संकटबाट गुज्रिएको श्रीलंकामा जीवनदायी औषधीको समेत अभाव हुन थालेपछि चिकित्सकले ठूलो स्वास्थ्य समस्या आउन सक्ने चेतावनी दिएका हुन् । देशभर हृदयघातका विरामी र नवजात शिशुहरुका लागि आवश्यक औषधी समेत अभाव देखिएपछि चिकित्सकहरुले स्वास्थ्य प्रणाली नै ठप्प हुने र मानवीय समस्या आउनसक्ने भन्दै सडकमा निस्किएका छन् ।
समस्या कतिसम्म विकराल बनेको छ भने विजुली आपूर्ति बन्द हुँदा दुर्गम क्षेत्रमा चिकित्सकहरु सर्पले टोकेका विरामीका घाउँमा अध्यारोमा टाँका लगाउन बाध्य छन् । अस्पतालहरुले नियमित शल्यक्रियाहरु रोकेका छन् भने ल्याब टेष्टहरु पनि हुनसक्ने अवस्था छैन । सरकारी चिकित्सक र स्वास्थ्यकर्मीहरु नै सडकमा उत्रिनुपर्ने अवस्थाले त्यहाँको स्वास्थ्य प्रणाली नै ध्वस्त हुने अवस्थामा पुगेको प्रष्ट पारेको छ ।
देशका सवै अस्पताल बन्द हुने अवस्थामा रहेको भन्दै सरकारी मेडिकल अफिसर्स एशोसियसनका सचिव डा.सेनेगल फर्नाण्डोले अर्को दुई सातामा औषधी र उपचार नपाएर थुप्रै मानिसहरुले ज्यान गुमाउनुपर्ने चेतावनी समेत दिएका छन् । विरामीको उपचार हुन नसकेर ज्यान गयो भने कुनै पनि बेला अस्पतालहरुमा दंगा हुनसक्ने चिन्ता चिकित्सकहरुले ब्यक्त गरेका छन् ।
स्वास्थ्य अवस्था यति भयावह भईसक्दा समेत सरकारले सर्वसाधारणलाई आश्वस्त पार्न नसकेको भन्दै चिकित्सकहरु आक्रोशित भएका छन् ।
प्रतिक्रिया दिनुहोस
एजेन्सी
मंगलबार, २९ चैत्र २०७८, १२ : २२
लेखकबाट थप
सम्बन्धित समाचारहरु
श्रीलंकामा नेपाली अलैंची चर्चा, अर्थतन्त्रमा योगदानबारे बहस
श्रीलंकाका विदेशमन्त्री नेपाल आउँदै
श्रीलंकामा पदयात्राका क्रममा अलपत्र परेका १८० विद्यार्थीको उद्धार
अदालतले पुनःस्थापना गर्यो निलम्बित श्रीलंकाली क्रिकेट बोर्ड
विश्वकप क्रिकेट : श्रीलंकाद्वारा पाकिस्तानलाई ३४५ रनको लक्ष्य
श्रीलंकाले निजी विश्वविद्यालयमा पढ्न निर्ब्याजी ऋण दिने