सत्ता गठबन्धनको बैठक बालुवाटारमा बस्दै

काठमाडौं । सत्ता गठबन्धनको बैठक प्रधानमन्त्री निवास बालुवाटारमा बोलाइएको छ ।

बिहीबार बिहान साढे १० बजेका लागि सत्ता गठबन्धनको बैठक आह्वान गरिएको हो । 

बैठकमा आगामी वैशाख ३० गते तय भएको स्थानीय तह निर्वाचनमा चुनावी तालमेलका सन्दर्भमा छलफल हुने बताइएको छ । 

काँग्रेसको केन्द्रीय समिति बैठकले आवश्यकताअनुसार चुनावी तालमेल गर्नेबारे निर्णय गरिसकेको छ भने आजको गठबन्धनको बैठकमा थप निर्णय लिइने बताइएको छ । 

बैठकमा काँग्रेस, माओवादी केन्द्र, नेकपा एकीकृत समाजवादी र जसपाका शीर्ष नेताहरुको सहभागिता रहनेछ ।