काठमाडौँ । कृषि तथा पशुपन्छी विकास मन्त्री महिन्द्र राय यादवले ठेक्का प्रक्रिया (टेण्डर) बाट रासायनिक मल खरिद गर्न असफल भएको स्वीकारेका छन् । मन्त्री पद सम्हालेको एक सय दिनको कार्यसम्पादनबारे सोमबार जानकारी दिँदै मन्त्री यादवले झन्झटिलो र लामो ठेक्का प्रक्रियाकै कारण किसानले समयमै मल नपाएको बताए ।
‘मल आयात गर्ने प्रयास जारी छ, केही मात्रामा आइरहेको पनि छ । तर, ठेक्का प्रक्रियाबाट जति प्रयास गरेपनि असफल भइरहेका छौं,’ मन्त्री यादवले भने, ‘जुन प्रणाली असफल भइसकेको छ, त्यसलाई नै हामी जोड दिइरहेका छौं । त्यसैले समस्याको हल भइरहेको छैन ।’ अहिले अनुदानको मल कृषि सामग्री कम्पनी र साल्ट ट्रेडिङमार्फत खरिद हुन्छ । कृषि सामग्रीले ७० प्रतिशत र साल्टले ३० प्रतिशत खरिद गरिरहेको छ । ती दुबैले ग्लोबल टेण्डर प्रक्रियमार्फत खरिद गर्छन् ।
टेण्डर प्रक्रियाबाट मल खरिद गर्दा करिब ७ महिना नै लाग्छ । पछिल्लो समय अन्तर्राष्ट्रिय बजारमा मलका लागि आवश्यक कच्चा पदार्थको मूल्य अत्याधिक रुपमा बढेको छ भने मागअनुसार पूर्ति हुन सकेको छैन । उत्पादक कम्पनीहरुले नै कच्चा पदार्थ पाइरहेका छैनन् । जसले गर्दा बजारमा मलको थप समस्या देखिएको छ । यी समस्याहरु समााधन गर्न जीटूजी मार्फत मल खरिद र नेपालमै मल कारखाना आवश्यक रहेको मन्त्री यादवले बताए ।
‘मल समस्या आजको मात्रै होइन, विगतदेखिकै हो । अन्तर्राष्ट्रिय बजारमा मलको कच्चा पदार्थ मूल्य करिब ३ सय प्रतिशत बढेकाले सरकारले जति अनुदान दिएपनि समयमै मल आउन सकेन,’ उनले भने, ‘अबको विकल्प नेपालमै मल कारखाना स्थापना, जीटूजीबाट मल खरिद र इन्धनमाजस्तै मलमा पनि स्वाचालित मूल्य कायम हुनुपर्छ ।’
प्रतिक्रिया दिनुहोस
सफल खबर संवाददाता
सोमबार, ०९ फागुन २०७८, २१ : ४४
लेखकबाट थप
सम्बन्धित समाचारहरु
सरकारी अनुदानको मल बाटोबाटै गायब भएपछि…
रुसले अफ्रिकामा अनाज र मल आपूर्ति जारी राख्ने
‘यस वर्ष गहुँबालीका लागि रासायनिक मलको अभाव हुँदैन’
टीकापुर गौशालाबाट गोबर मल बिक्री सुरु
सहकारीमा पाइँदैन अनुदानको मल, भारतीय मलकै भरमा खेती
भारतसँग भएको जीटुजीको मल ल्याउन सरकारको आनाकानी