आगो बालेर सुतेका एकै परिवारका ४ जनाको निसास्सिएर मृत्यु

सुर्खेत । नेपालगञ्जमा आगो बालेर सुतेका एकै परिवारका चारजनाको  निसास्सिएर मृत्यु भएको छ । तीनजना घाइते भएका छन् । तीन महिनाको छोरालाई न्यानो पार्न कोठामा बालिएको आगोका कारण निसास्सिएर मृत्यु भएको बाँके प्रहरीले जनाएको छ ।

मृत्यु हुनेमा भेरी अस्पतालका कार्यालय सहयोगी धर्मराज भट्टराईसहित उनको परिवारका चार जनाको मृत्यु भएको हो । अन्य तीनजनाको गम्भीर घाइते अवस्थामा अस्पतालमा उपचार भइरहेको छ ।

प्रहरीका अनुसार मृत्यु हुनेमा धर्मप्रसाद भट्टराई, उनका तीन महिनाका छोरा इक्सन, बहिनी कोली भट्टराई र सासु कोकिलाको मृत्यु भएको हो । धर्म परिवारका सुशीला भट्टराई, दिवस र नरेन्द्र भट्टराईको अहिले भेरी अस्पतालमै उपचार भइरहेको छ ।