कस्तो रहला आजको मौसम ?

काठमाडौं । पश्चिमी वायुसँगै आउने  पश्चिमी न्यून चापीय प्रणालीको कारण गते शुक्रबार बिहानबाट नेपालको  सुदूर पश्चिम प्रदेश हुँदै पूर्वतिर बादलहरू सर्ने क्रममा रहेको मौसम पूर्वानुमान महाशाखाले जनाएको छ ।

यसका कारण   सुदूर पश्चिम , कर्णाली, लुम्बिनी र गण्डकी  प्रदेशमा आंशिक देखि सामान्य बदली रहि सुदूर पश्चिम  प्रदेश, कर्णाली प्रदेश र गण्डकी प्रदेशका उच्च पहाडी तथा हिमाली भू(भागहरूका केही स्थानहरूमा हल्का हिमपात हुने सम्भावना रहेको महाशाखाको भनाइ छ । 

साथै सुदूर पश्चिम  प्रदेशका थोरै स्थानहरूमा हल्का वर्षाको सम्भावना रहेको छ । उक्त प्रणालीका कारण आगामी दिनहरूमा तापक्रममा समेत गिरावट आई चिसो अझ बढ्न सक्ने सम्भावना रहेको छ। आउँदो शनिवार साँझबाट क्रमशः मौसममा बिस्तारै सुधार हुँदै जाने देखिन्छ।

यो मौसमी प्रणालीका कारण पर्वतारोहण, हवाईरयातायात लगायत दैनिक जनजीवनमा समेत असर पर्न सक्ने देखिएकोले चिसोबाट बच्न र हिमपातबाट हुन सक्ने प्रभावबाट जोगिन आवश्यक सुरक्षा र सतर्कता अपनाउनु महाशाखाको अनुरोध छ ।

हाल देशमा पश्चिमी न्यून चापीय प्रणालीको आंशिक प्रभाव रहेको छ।  प्रदेश नं १ र बाँकी पहाडी भू(भागहरुमा आंशिक बदली  रही देशका अन्य भू(भागमा मौसम सामान्यतया सफा रहेको छ।