प्रचण्डको पुरानो निवासबारे भ्रामक प्रचार भएपछि...

सफल खबर संवाददाता

शुक्रबार, १७ मंसिर २०७८, ०७ : ३१
प्रचण्डको पुरानो निवासबारे भ्रामक प्रचार भएपछि...

काठमाडौं । माओवादी केन्द्रका अध्यक्ष प्रचण्डको लाजिम्पाटस्थित पुरानो निवासबारे एक मिडियाले समाचार प्रकाशित गरेपछि सचवालयले खण्डन गरेको छ ।

‘घटना र विचार’ नामको  मिडियाले प्रचण्डको लाजिम्पाटस्थित पुरानो निवास (भाडाको घर)बारे भ्रामक प्रचार गरेको भन्दै सचिवालयले गम्भीर ध्यानाकर्षण भएको जनाएको हो । 

‘यस्ता तथ्यहिन सामाचारको खेती गर्नु समाचारको नाममा अपराधकर्म हो । सम्बन्धित पक्षलाई गलत समाचार खण्डन गरी पत्रकारिताको नैतिकता प्रदर्शन गर्न ध्यानाकर्षण गर्दछौं’, सचिवालयका तर्फबाट स्वकीय सचिव रमेश मल्ले भनेका छन् । 

घटना र विचारले प्रचण्डले अर्काको नाममा खरिद गरेको लाजिम्पाटको सो घर सुटुक्क बेचेको दावीसहितको खबर छापेको थियो ।

प्रतिक्रिया दिनुहोस