७७ जिल्लामै पुग्यो स्वरोजगार कार्यक्रम, मनाङ र मुस्ताङमा समेत कार्यक्रम विस्तार

सफल खबर संवाददाता

मंगलबार, ३० कार्तिक २०७८, १९ : ५३
७७ जिल्लामै पुग्यो स्वरोजगार कार्यक्रम, मनाङ र मुस्ताङमा समेत कार्यक्रम विस्तार

काठमाडौं । युवा तथा साना ब्यवसायी स्वरोजगार कोष कार्यक्रम नेपालको ७७ जिल्लामै विस्तार गरीएको छ । मंगलबार बसेको युवा तथा साना ब्यवसायी स्वरोजगार कोषको बोर्ड बैठकले मनाङ र मुस्ताङ जिल्लामा समेत कोष बिस्तार गर्ने निर्णय गरेसँगै उक्त कार्यक्रम ७७ जिल्लाभर लागु हुने भएको हो । 

CG Hills

युवा तथा खेलकुद मन्त्री महेश्वरजंग गहतराजको अध्यक्षतामा  सिंहदरबारस्थित मन्त्रालयमा बसेको बोर्डको ५४औं बैठकले थप दुई जिल्ला (मनाङ र मुस्ताङ) मा उक्त कार्यक्रम बिस्तार गर्ने निर्णय गरेको हो ।

कोषको अध्यक्षको हैसियतमा बोर्डको पहिलो बैठक बोलाएका मन्त्रीले देशभरका युवालाई स्वरोजगार बनाउने उद्देश्यले थप दुई जिल्लामा समेत उक्त कार्यक्रम लागु गर्न निर्देशन दिए । 

नेपाल सरकारबाट बि.सं. २०६५ सालमा स्थापना भएको कोषले युवाहरुलाई सहुलियत दरमा कर्जा प्रवाह गर्दै आईरहेको छ ।