माओवादी केन्द्रका सबै कमिटीमा ‘एक व्यक्ति एक पद’को अवधारणा

काठमाडौँ ।  अब नेकपा माओवादी केन्द्रमा एक व्यक्ति एक पदको अवधारणा लागू हुने भएको छ । माओवादी केन्द्रका सबै कमिटीमा एक व्यक्ति एक पदको अवधारणा लागू गर्ने निर्णय भएको माओवादी केन्द्रले जनाएको छ । 

पार्टी अध्यक्ष पुष्पकमल दाहाल ‘प्रचण्ड’को अध्यक्षतामा शुक्रबार भर्चुअल माध्यमबाट बसेको केन्द्रीय कमिटी बैठकले पार्टीको विधानमा सामान्य संशोधन गर्ने निर्णय गरेको हो । माओवादी केन्द्रको प्रदेश र पालिका कमिटीमा सात÷सात पदाधिकारी रहने छन् । यस्तै, वडा कमिटीमा पाँच पदाधिकारी र टोल  कमिटीमा अध्यक्ष र सचिव गरी दुई पदाधिकारी रहनेछन् । यस्तै सेल कमिटीमा सचिवमात्र राखिने भएको छ ।

माओवादी केन्द्रले पछिल्लो समय संगठन विस्तार र सुदृढीकरणलाई प्राथमिकता दिँदै आएको छ । अध्यक्ष पुष्पकमल दाहाल ‘प्रचण्ड’ केही दिन यता पार्टीका विभिन्न कार्यक्रममा सहभागी हुन काठमाडौं उपत्यकामात्र नभई उपत्यका बाहिरका जिल्लामा समेत सहभागी भएका छन् ।