कोरोनाबाट निको हुनेको संख्या २२ करोड ८२ लाख पुग्यो, २४ घण्टामा ४ लाख २४ हजार थपिए

एजेन्सी

शुक्रबार, २६ कार्तिक २०७८, १३ : १०
कोरोनाबाट  निको हुनेको संख्या २२ करोड ८२ लाख पुग्यो, २४ घण्टामा ४ लाख २४ हजार थपिए

काठमाडौँ  । विश्वभर कोरोनाबाट निको हुनेको संख्या २२ करोड ८२ लाख नाघेको छ । पछिल्लो २४ घण्टामा ४ लाख २४ हजार ३३७ जना संक्रमणमुक्त भएसँगै निको हुनेको संख्या २२ करोड ८२ लाख ४ हजार ५५० पुगेको हो ।

CG Hills

यही अवधिमा ५ लाख ५३ हजार १३८ जना संक्रमित थपिएका छन् भने ८ हजार ३५० को मृत्यु भएको छ ।

मृत्यु हुनेमा अमेरिकामा एक हजार ४९३, रुसमा एक हजार २३९, ब्राजिलमा २६४, बेलायतमा २१४ र टर्कीमा २०३ जना रहेका छन् ।

थपिने संक्रमित पनि अमेरिकाका धेरै छन् । त्यहाँ एकैदिन ९४ हजार ९४२ जनामा कोरोना संक्रमण पुष्टि भएको छ ।

त्यसैगरी बेलायतमा ३९ हजार ३२६, रुसमा ३८ हजार ५८, टर्कीमा २७ हजार २५९ र ब्राजिलमा १४ हजार ३५७ जनामा संक्रमण पुष्टि भएको छ ।

प्रतिक्रिया दिनुहोस