काठमाडौं । नेकपा (एमाले)को पार्टी सदस्यता सङ्ख्या करिब आठ लाख पुगेको छ । दशौँ राष्ट्रिय महाधिवेशन लक्षित गरी वितरण गरिएको पार्टी सदस्यता सात लाख ८९ हजार ६२० पुगेको एमाले कार्यालय सचिव शेरबहादुर तामाङले जानकारी दिए ।
उनका अनुसार तीमध्ये पाँच लाख ९९ हजार ६२४ जना पुरुष र एक लाख ८८ हजार ९९६ जना महिला रहेका छन् । एमालेको नवाँै महाधिवेशनमा पाँच लाख ९१ हजार सङ्गठित सदस्य रहेको थिए । पार्टीको दशौँ महाधिवेशनमा आइपुग्दा एमालेले एक लाख ९८ हजार सङ्गठित सदस्य थप गरेको छ ।
एमालेको दशौँ महाधिवेशन यही मङ्सिर १० देखि १२ गते चितवनमा हुँदैछ । महाधिवेशनमा २०७७ चैतमसान्तसम्म सदस्यता लिएका व्यक्तिले मात्र महाधिवेशनमा प्रतिनिधि चयन हुन पाउनेछन् ।
एमाले महाधिवेशनका लागि कात्तिक २७ गते शनिबार देशभर एकैसाथ प्रतिनिधि छनोट गर्दैछ । महाधिवेशनमा एक हजार ९९९ जना प्रतिनिधि सहभागी हुनेछन् ।
प्रतिक्रिया दिनुहोस
रासस
विहीबार, २५ कार्तिक २०७८, २० : ५०
लेखकबाट थप
सम्बन्धित समाचारहरु
राप्रपालाई विधानबाट हिन्दुराष्ट्र र राजसंस्था हटाउन निर्देशन
कानुनविद्हरुले भने– स्थानीय तहको निर्वाचन निर्धारित मितिमा नै हुनुपर्छ
चुनावसम्बन्धि माओवादीको यस्तो निर्णय !
गठबन्धन तोड्ने ओलीका प्रयासहरु एकपछि अर्को असफल
देउवाको सम्बोधन सरकारको लाज छोप्ने अन्तिम हतियार : महेश बस्नेत
स्थानीय निर्वाचन समयमै हुनुपर्छ : प्रकाशमान सिंह