पौडी खेल्ने क्रममा डुबेर एक किशोरको मृत्यु

मकवानपुर । रसुवाबाट मकवानपुर घुम्न आएका एक किशोरको पौडी खेल्ने क्रममा डुबेर मृत्यु भएको छ ।

मकवानपुरको इन्द्रसराेवर गाउँपालिका -१ मार्खु कुलेखानिस्थित मोहिनी झरनामा पौडी खेल्ने क्रममा डुबेर एक जनाको मृत्यु भएको जिल्ला प्रहरी कार्यालय मकवानपुरले जनाएको छ ।  

मृत्यु हुनेमा रसुवाको गोसाइकुण्ड गाउँपालिका वडा नम्बर-१ का १७ बर्षीय तेन्जिङ दोन्डुप रहेको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।

मृतक तेन्जिङ ४ जना साथीहरूसँग  मकवानपुर घुम्न आएका थिए । सोही क्रममा शनिबार दिउँसो झरनामा पौडि खेल्ने क्रममा उनको डुबेर मृत्यु भएको प्रहरी नायव उपरीक्षक रिमालले बताए । मृतक तेन्जिङको शव पोस्टमार्टमका लागि काठमाडौं लैजाने तयारी भइरहेको उनले बताए ।

घटनास्थलमा ईलाका प्रहरी कार्यालय पालुङको प्रहरी निरीक्षकको टोली पुगिसकेको घटनास्थल र शवको मुचुल्का उठाउने कार्य जारी रहेको उनले बताए ।