हेटौंडा । अर्थमन्त्री जनार्दन शर्माले सरकारी स्वामित्वमा रहेको बन्द भएका उद्योग सञ्चालन गर्ने बताएका छन् ।
वाइसिएल हेटौंडा नगर कमिटीको प्रथम भेलालाई सम्बोधन गर्दै मन्त्री शर्माले बर्षौदेखि बन्द रहेका हेटौंडा कपडा उद्योग, जनकपुर चुरोट कारखाना, गोरखाको टायर कारखाना, बिराटनगरको जुट मिल, लुम्बिनी कागज कारखाना लगायत उद्योगहरु सञ्चालन गरेर नेपाललाई उत्पादनमुखी देश बनाउने बताए ।
नेकपा माओवादी केन्द्रका स्थायी समिति सदस्य समेत रहेका अर्थमन्त्री शर्माले युवा, महिला र विद्यार्थीहरुलाई उत्पादनसंग जोडाउने योजनाअनुरुप सरकारले कार्यअगाडी बढाएको समेत जानकारी दिए । उनले पढाई सकिएपछि कामको खोजीमा भौतारिन पर्ने स्थितीको अन्त्य गर्न विद्यार्थीका लागि ‘पढ्दै कमाउदै’ भन्ने नाराका साथ योजना ल्याएको बताए ।
मन्त्री शर्माले महिलाहरु अगाडी नबढेसम्म समाजको विकास हुन नसक्ने एवं समानुपातिक समावेशी नहुने भन्दै ‘महिला पहिला’ भन्ने नाराका साथ महिलालाई राजनितीक, आर्थिक, सामाजिक क्षेत्रमा अगाडी बढाउन आवश्यक तालिम, प्रशिक्षण तथा सहयोग गर्नेगरी कार्यक्रम ल्याएको समेत जानकारी दिए । यसैगरी, अति विपन्न ५ लाख गरिब जनतालाई तिहारलगतै १०-१० हजार रुपैयाँ सरकारले वितरण गर्ने मन्त्री शर्माले बताए ।
प्रतिक्रिया दिनुहोस
सफल खबर संवाददाता
सोमबार, १५ कार्तिक २०७८, ०९ : ०१
लेखकबाट थप
सम्बन्धित समाचारहरु
नेपाल र चीनबीच दुई महत्वपूर्ण सम्झौतामा हस्ताक्षर
आगामी आर्थिक वर्षको बजेटबारे अर्थमन्त्रीले लिए ७ पूर्वअर्थमन्त्रीसँग सुझाव
१४ अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
राजनीतिक सहमतिमै अध्यादेश ल्याइएको हो, कसैको विरोध छैनः अर्थमन्त्री पुन
माथिल्लो अरुणको वित्तीय व्यवस्थापन विश्व बैंकले गर्ने सैद्धान्तिक सहमति
अर्थमन्त्री पुन वासिङ्टन डिसीमा