चितवन, २० मंसिर । अमेरिकी राष्ट्रपति डोनाल्ड ट्रम्पले जेरुसेलमलाई इजरायलको राजधानीका रुपमा स्वीकार गरेको वरिष्ठ अधिकारीहरुले बताएका छन् । तर, ट्रम्पले अहिले नै तेल अवीवमा रहेको अमेरिकी दूतावासलाई जेरुसेलममा भने सार्ने छैनन् ।
राष्ट्रपति ट्रम्पको सम्भावित सम्बोधन अघि यो समाचार आएको बीबीसीले जनाएको छ । अरबका नेताहरुले भने जेरुसेलममा अमेरिकी दूतावास सार्नु भनेको मुस्लिमहरुलाई उत्तेजित बनाउनु भएको चेतावनी दिएका छन् ।
_20231127105311.gif)
जेरुसेलम इजरायल र प्यालेस्टायनीहरुका लागि एक पवित्र स्थल हो तर, निकै विवादित क्षेत्र पनि । इजरायलले जेरुसेलमलाई राजधानी मान्दै आएको छ तर, प्यालेस्टायनले पूर्वी जेरुसेलम भविश्यको प्यालेस्टायनी राज्यको राजधानीको रुपमा लिएको छ ।
जेरुसेलमलाई इजरायलको राजधानी मान्ने अमेरिका पहिलो देश हो । राष्ट्रपति ट्रम्पले जेरुसेलमलाई इजरायलको राजधानी मानेर वास्तविकतालाई स्वीकार गरेको अमेरिकी प्रशासनका अधिकारीहरुले बताएका छन् ।
प्रतिक्रिया दिनुहोस