प्रधानमन्त्री देउवा र निर्वाचन आयोगका पदाधिकारीबीच छलफल

काठमाडौं । निर्वाचन आयोगका पदाधिकारीहरूले प्रधानमन्त्री शेरबहादुर देउवासँग भेट गरेका छन् । सोमबार (आज) सिंहदरबारमा प्रमुख निर्वाचन आयुक्त दिनेश थपलियाको नेतृत्वमा आयोगका पदाधिकारीहरूले प्रधानमन्त्री देउवासँग भेट गरेका हुन् ।

उक्त भेटमा आगामी स्थानीय चुनाव लगायतका विषयमा छलफल भएको बताइएको छ । आयोगका पदाधिकारीहरूले चुनावका लागि भइरहेको तयारी र आयोगका आवश्यकताहरूबारे प्रधानमन्त्री देउवालाई ब्रिफिङ गरेका थिए ।

आगामी जेठ ५ पछि स्थानीय तहका पदाधिकारीहरूको पदावधि सकिदैछ, भने विभिन्न ठाउँमा उप–चुनावहरू पनि गर्नुपर्ने स्थिति रहेको छ । त्यस्तै अर्कोतर्फ ‘अर्ली इलेक्सन’का बारेमा पनि छलफल जारी छ ।